பச்சை கிளி பாடும்

பச்சை கிளி பாடும்
பறந்து பறந்து ஓடும்
உச்சி கிளையில் ஆடும்
உலுக்கி உலுக்கி ஆடும்
குண்டு மாம்பழம் தேடும்
கூண்டில் அடைத்தால் வாடும்

மயிலை பாரு மயிலை பாரு

மயிலை பாரு மயிலை பாரு

தோகை விரித்து ஆடுது

மானை பாரு மானை  பாரு

துள்ளி துள்ளி ஓடுது

பாம்பை  பாரு பாம்பை  பாரு  

படமெடுத்து ஆடுது

முயலை பாரு முயலை பாரு

தத்தி தாவி ஓடுது

நரியை  பாரு நரியை  பாரு

தந்திரங்கள் பண்ணுது

காட்டரசன் சிங்கத்தை  

கண்டு எல்லாம் பதுங்குது

எங்கள் வீட்டு பூனை

எங்கள் வீட்டு பூனை
இருட்டில் உருட்டும் பூனை
அங்கும் இங்கும் தேடும்
ஆளை கண்டால் ஓடும்
தாவி எலியை பிடிக்கும்
தயிரெய் ஏறி குடிக்கும்
நாவால்  முகத்தை துடைக்கும்
நாற்காலியின் கீழ் படுக்கும்

குவா குவா வாத்து

குவா குவா வாத்து
குள்ள மணி வாத்து
மெல்ல உடலை சாய்த்து
மேலும் கீழும் பார்த்து
செல்லமாக நடக்கும்
சின்ன மணி வாத்து